Van Huffelen ta splika e proseso di nombramentu di gezaghèber
Sekretario di estado Van Huffelen ta na Boneiru pa duna splikashon tokante di e siguiente paso den e proseso di nombramentu di un gezaghèber nobo. E prosedura di solisitut a inisiá na yüni 2023. Sekretario di estado Van Huffelen a papia awe ku e komishon di konfiansa di e prosedura di solisitut, Konseho Insular i Kolegio Ehekutivo di Boneiru. Te ku nombramentu di un kandidato nobo, Nolly Oleana ta tuma enkargo temporal di e funshon.
E funshon di gezaghèber di Boneiru ta un funshon atministrativo eksigente i importante. Pa e motibu aki, e proseso pa yega na yena e vakatura aki ta tuma lugá di forma kouteloso i ta tuma tempu. P’esei, ainda e prosedura ta kana.
Sekretario di estado Van Huffelen: “Mirando e desafionan grandi riba e áreanan di kombatimentu di pobresa, ekonomia, klima i supervishon i mantenshon, Boneiru tin mester di un peso atministrativo pisá komo gezaghèber. Pa e motibu aki mi ta haña importante pa e proseso bai di forma kouteloso.”
Nolly Oleana lo okupá e funshon di gezaghèber te na momentu ku nombra un kandidato nobo: “Ta un honor i plaser pa por sirbi e komunidat di Boneiru. Mi ta sinti e responsabilidat pa ku e tarea aki i mi ta agradesido di por sigui hasi esaki te na momentu ku nombra un susesor adekuado.”