Promé vuelonan riba Boneiru pa kapturá imágen aéreo i hasi midí di altura
Riba djasabra 20 di yanüari lo inisiá ku vuelo riba Boneiru ku e meta pa kapturá imágen aéreo di kalidat haltu i hasi midí di altura di e isla. E simannan benidero e avion ku registrashon PH-SLE lo bula algun biaha den e espasio aéreo di Boneiru pa kolektá imágen detayá i midínan.
E inisiativa ta bini for di un kolaborashon entre e Entidatnan Públiko i e Ministerio di Asuntunan Interior i Relashonnan den Reino. Den desèmber i yanüari ya a ehekutá vuelonan eksitoso riba Sint Eustatius, unda a registrá imágen aéreo di kalidat haltu i a hasi midí di altura.
Meskos ku di Sint Eustatius i Saba, lo usa e imágen- i informashonnan di Boneiru pa elaborá un registro sentral di adrès i edifisio. Imágen aéreo ta hunga un papel importante ora di determiná ubikashon di kada adrès òf edifisio eksaktamente. Registrashon di tur informashon tokante adrès- i edifisionan pa un solo biaha den e sistema, ta hasi e informashon mas konfiabel i ta minimalisá fayo den registrashon di ubikashon, number di kas i informashon tokante adrès. E mehorashon di registrashon i e mapanan di elevashon ta brinda informashon balioso pa Boneiru, pa sostené toma di desishon pa gobièrnu, sostené proseso di pèrmit i pa fasilitá empresario i investigadó.
Mas informashon
Pa mas informashon tokante e proyekto aki i e progreso di e vuelonan riba Boneiru, nos ta remití na e anunsio anterior “Fotografia aéreo di Sint Eustatius, Saba i Boneiru a start” riba e wèpsait di Rijksdienst Caribisch Nederland.