Bishita di Minister Mariëlle Paul na Hulanda Karibense
Minister di Enseñansa Primario i Sekundario, Mariëlle Paul, ta bishitá Boneiru, Saba i Sint Eustatius for di 30 di yanüari te ku 2 di febrüari 2024. E bishita di e minister ta kuminsá na Sint Eustatius riba 30 di yanüari, siguí pa un bishita na Saba riba 31 di yanüari, kual despues e minister ta biaha pa Boneiru pa konkluí su bishita na Hulanda Karibense.
Na Sint Eustatius e minister lo firma e di tres Agènda di Enseñansa di Sint Eustatius, den kua entre otro skolnan, Expertise Centre Education Care (ECE), Entidat Públiko Sint Eustatius i ministerio di Enseñansa, Kultura i Siensia ta akordá kon nan lo traha huntu e añanan benidero pa mehorá e kalidat di enseñansa. Ademas, e ta bishitá skolnan i e Expertise Centre Education Care.
Na Saba e minister lo firma e akuerdo di alohamentu pa enseñansa. Despues e ta bishitá Sacred Heart School, Saba Comprehensive School i e Expertise Centre Education Care (EC2).
Pa konkluí su bishita na Hulanda Karibense, na Boneiru e minister ta bishitá Kolegio Emmy Schermer, Scholengemeenschap Bonaire, De Pelikaan, Kolegio San Bernardo, plataforma di edukashon i akohida di mucha Krèsh Bon Kuido.