A selebrá Dia Internashonal di Duana na Sürnam
E Organisashon Mundial di Duana (WCO-World Customs Organization) a nombra 26 di yanüari komo ‘Dia Internashonal di Duana’ i ta selebrá e dia aki mundialmente. Tur aña WCO ta skohe un tema. Pa 2024 e te mata lo siguiente: “Duana ta enbolbí partner tradishonal i partner nobo ku un meta”.
E aña aki tabata turno pa Sürnam pa organisá e aktividatnan rondó di selebrashon di Dia Internashonal di Duana. Un delegashon chikitu di Boneiru a representá Hulanda Karibense ayanan. For di 22 di yanüari diferente aktividat a tuma lugá na kaminda pa e selebrashon ofisial di Dia Internashonal di Duana riba djabièrnè 26 di yanüari.
Riba e islanan di Hulanda Karibense e duaneronan a selebrá e dia pa medio di un enkuentro den un ambiente ameno.
Duana Hulanda Karibense ta forma parti di Belastingdienst Caribisch Nederland (B/CN) i ta partikularmente responsabel pa supervishon di fluho di artíkulonan pa i for di Boneiru, Sint Eustatius i Saba i pa kobransa di ABB ora ta trata di importashon. Di tal manera e ta forma parti di Duana Hulandes.