Pakete nobo di maneho i lista di leshon 2024
E pakete nobo di maneho i lista di leshon a drenta na vigor 1 di yüli 2024. E dokumentonan akí ta remplasá e vershonnan di 1 di novèmber 2022. Aki bou nos ta splika kiko ta e kambionan pa kada dokumento.
Pakete di maneho
Pa bin na remarke pa un kompensashon di e Fondo di Indemnisashon, e petishon mester kumpli ku tur kondishon di e Lei Fondo di Indemnisashon Krímennan Violento. A detayá e reglanan legal den nos pakete di maneho. Akiden bo ta lesa kon e Fondo di Indemnisashon ta evaluá un petishon. Klek aki pa e pakete di maneho di 1 di yüli 2024.
Akibou ta sigui un resúmen di e adaptashonnan:
- Lei di delitunan seksual
Ku e Lei di delitunan seksual nobo, entrante 1 i yüli 2024 víktimanan den mas kaso di por hasi denunsia di violashon seksual i agreshon seksual na polis. E legislashon di moral nobo ta permití e Fondo di Indemnisashon duna kompensashon tambe na víktimanan di violashon òf agreshon seksual di kulpabilidat, si nan a sufri leshon serio pa e motibu akí. Kondishon ta si ku esaki a sosodé na Hulanda riba òf despues di 1 di yüli 2024. E Lei delitunan seksual nobo no ta konta pa e Fondo di Indemnisashon na Hulanda Karibense.
Wak kapítulo 1 - Sospecho di leshon serio
Pa diferente krímen e Fondo di Indemnisashon por asumí ku tin leshon síkiko serio, sin evaluá informashon médiko. Den e pakete di maneho nos ta splika pa kua krímen nos por sospechá esei.
Wak párafo 1.2.3 - Kompensashon na e persona ku a mira
Menornan di edat ku mira violensia doméstiko sistemátiko, por bin na remarke pa un kompensashon pa leshon síkiko ku ta kuadra ku kategoria di leshon 2. Esaki promé tabata solamente pa mucha bou di 12 aña.
Wak E.1 - Altura di e kompensashon pa pèrdida di mantenshon di bida
A kambia tata di famia den e defuntu ku den sentido finansiero tabata kontribuí mas na e entrada di famia.
Wak E.2 - Kehonan
A añadí na e areglo di keho ku e Fondo di Indemnisashon no ta atendé kehonan entregá mas lat ku un aña despues di e insidente.
Wak kapítulo J
Lista di leshon
Den e lista di leshon tin pará kua kompensashon ta kuadra ku kua leshon. E lista di leshon ta konsistí di dos parti: leshon físiko (korporal) i leshon síkiko (mental). Klek aki pa e Lista di leshon di 1 di yüli 2024.
Akibou ta sigui un resúmen di e adaptashonnan:
- Víktimanan di delitunan di violensia òf seksual awor por akudí na e Fondo di Indemnisashon
- Sospecho di leshon síkiko serio debí na delitu di violensia òf seksual
- A añadí na kategoria di leshon 1 kategorianan ku promé tabata bou di kategoria di leshon 3, esta: menasa direkto ku kuchú bou di sirkunstansianan ku ta ta pisa, menasa inmediato ku un arma di kandela bou di sirkunstansianan ku ta pisá i pegamentu di kandela i eksploshon.
Pa e delitunan ariba menshoná for di awor ta asumí leshon síkiko serio serka menornan di edat.
Wak kapítulo 2A - Den kategoria di leshon 1 a saka delitu seksual sin penetrashon, delitu seksual online i chupamentu di lenga afó.
Wak kapítulo 2A - A añadí na kategoria di leshon 2 un kategoria ku promé tabata pará bou di kategoria di leshon 1, esta: delitu seksual si penetrashon seksual kometé diferente bia
Wak kapítulo 2A - A hisa e edat pa mira violensia doméstiko di parti di un menor di edat bou di 12 aña na bou di 18 aña.
Wak kapítulo 2A - Den kategoria di leshon 2 a saka menasa direkto ku un kuchú òf un arma di kandela afó.
Wak kapítulo 2A
- A añadí na kategoria di leshon 1 kategorianan ku promé tabata bou di kategoria di leshon 3, esta: menasa direkto ku kuchú bou di sirkunstansianan ku ta ta pisa, menasa inmediato ku un arma di kandela bou di sirkunstansianan ku ta pisá i pegamentu di kandela i eksploshon.
- Evaluashon di leshon síkiko basá riba informashon médiko
A amplia e splikashon na e puntonan di salida ku ‘dependensia’, ku splikashon tokante kon e Fondo di Indemnisashon ta evaluá kapasidat redusí di un persona pa partisipá independientemente den bida diario.
Wak kapítulo 2B
Maneho di transishon
E maneho den e pakete nobo di maneho i lista di leshon ta aplikabel pa petishonnan entregá riba òf despues di 1 di yüli 2024, sin importá e fecha di e delitu. Ku otro palabra, e fecha di entrega di e petishon ta determiná kua pakete di maneho i kua lista di leshon ta aplikabel ora evaluá e petishon ei. Pa esaki ta konta si, ku si resultá den kaso di petishonnan promé ku 1 di yüli 2024 ku e lista di leshon di 1 di novèmber 22 ta mas bentahoso pa e petishonario, ku mester apliká e vershon akí.
Esaki no ta konta pa e Lei delitunan seksual nobo. E fecha ku e delitu seksual a tuma lugá ta determiná a base di kua lei nos ta evaluá e petishon.
E maneho di transishon no ta konta tampoko pa opheshon. E pakete di maneho i lista di leshon ku ta na vigor na momentu di tuma desishon riba opheshon ta aplikabel e ora, a ménos ku esaki lo nifiká un deterioro pa e petishonario kompará ku e desishon anterior i e maneho ku na e momentu ei ta na vigor.