Ban pa Kambio' ta duna detenidonan di JICN oportunidat riba merkado laboral
Instituto Hudisial Hulanda Karibense (JICN) ta yuda detenido ku su re-integrashon. Ku e proyekto ‘Ban pa Kambio’, huntu ku Fundashon Forma, detenidonan por sigui un formashon i risibí sertifikado. Esaki ta amplia nan chèns riba e merkado laboral durante e fase di re-integrashon. Vários detenido a logra logronan importante durante un seremonia di graduashon resien.
![](/binaries/medium/content/gallery/rijksdienstcn-nederlands/content-afbeeldingen/nieuws-afbeeldingen/2024/jicn/pb-diploma-uitreiking-2-juli_website.jpg)
Entrega di Diploma
Durante e seremonia, un detenido a risibí su diploma di MBO1 na ‘Horeca Voeding en Voedingsindustrie’ (Alimento di Hóreka i Industria di Alimento). Ademas, a repartí 17 sertifikado den diferente área di trabou:
- 10 sertifikado di abilidatnan sosial
- 3 sertifikado di abilidatnan digital
- 2 sertifikado di Kalkulashon nivel 2F i nivel 3F
- 2 sertifikado di Ingles nivel A2
E Importansia di e Proyekto
E proyekto ‘Ban pa Kambio’ ta esensial pa e re-integrashon di detenido. Durante nan detenshon, nan tin e chèns pa desaroyá nan mes pa medio di kursonan riba nivel di MBO1, trayekto di siña i traha i labor. E enfoke ta riba sektor ku tin hopi trabou disponibel, manera bèrdè (hortikultura), konstrukshon i hóreka. Aparte di MBO1, detenido por sigui siña te ku MBO2 for di febrüari 2025. Esaki ta pone ku e tin mihó oportunidat pa haña trabou despues di su detenshon i pa un regreso eksitoso den komunidat.
Kolaborashon ku Fundashon Forma
‘Ban pa Kambio’ ta un trayekto di kolaborashon ku e instituto di formashon Fundashon Forma. Huntu nan ta sòru pa e detenidonan atkerí no solamente konosementu teorétiko, pero tambe abilidatnan práktiko. Esaki ta prepará nan pa un bida nobo despues di nan detenshon.
Pa mas informashon tokante ‘Ban pa Kambio’ bo por bishitá nos wèpsait www.rijksdienstcn.com..