Areglo nobo di bishita na JICN: Entrante 8 di yüli 2024 tin bishita pa promoshon di relashon
Instituto Hudisial Hulanda Karibense (JICN) ta introdusí entrante 8 di yüli 2024 un areglo nobo pa detenidonan: Bishita pa promoshon di relashon (RBB). E areglo akí, ku ta eksistí for di 2015 den institutonan penitensiario di siguridat normal, ta brinda detenido oportunidat di tin kontakto personal ku su bishitantenan sin nada ku ta stroba. Esaki ta kontribuí na su reintegrashon den sosiedat.
![JICN](/binaries/medium/content/gallery/rijksdienstcn-nederlands/content-afbeeldingen/nieuws-afbeeldingen/2024/jicn/contact_website.png)
Kiko Relashon pa Promoshon di Relashon (RBB) ta enserá?
RBB ta duna detenidonan oportunidat pa risibí bishita sin supervishon un bes pa luna. E bishita akí ta yuda mantené i fortifiká lasonan ku famia- i parehanan, loke ta esensial pa regreso di e detenido den sosiedat.
Kriterio pa RBB
- E detenido mester a permanesé durante seis luna konsekutivo den un instituto normalmente sigurá.
- E bishita mester kontribuí na reintegrashon di e detenido, segun e direktor.
- E relashon entre e detenido i e bishitante mester ta estrecho i duradero.
- Interes di investigashon i persekushon no mag kore peliger.
E detenido mester a promové.
RBB no ta un derecho, sino un fabor
RBB no ta un derecho outomátiko pa detenidonan, pero un fabor ku e direktor di e instituto por konsedé. Mester entregá un petishon, i ta investigá e relashon entre detenido i bishitante estriktamente. E direktor por rechasá RBB pa motibu di siguridat òf òrdu den e instituto.
Detayenan importante tokante RBB
- Ta introdusí un kamber pa RBB.
- Detenido por risibí RBB un biaha pa luna.
- E bishita ta dura 1,5 ora kada biaha.
Kondishon pa bishita
- E bishitante mester tin por lo ménos 18 aña di edat i mester a hasi bishita regular seis luna konsekutivo.
- No ta atmití bishitante ku yu pa RBB.
- Bishitante mester ta dispuesto pa ser someté na ristramentu di paña i kurpa promé i despues di e bishita.
- Detenido mester kooperá ku inspekshon promé i despues di e okashon di RBB.
Impakto positivo riba reintegrashon
Bishita pa Promoshon di Relashon (RBB) ta hunga un papel krusial den e trayekto di reintegrashon di detenidonan. E ta yuda nan fortifiká nan lasonan sosial i ta ofresé sosten emoshonal, loke ta kontribuí na nan regreso eksitoso den sosiedat. Manteniendo relashonnan fuerte ku famia- i parehanan, detenidonan por keda mantené un sentimentu di normalidat i sosten, loke ta halsa nan motivashon i bienestar durante e periodo di detenshon. Esaki por kondusí tambe na un bahada di residivismo, pasobra detenidonan ku retnan sosial fuerte ta mihó kapas pa adaptá nan mes na e bida despues di detenshon. RBB ta brinda un manera strukturá i kontrolá pa fortifiká e lasonan akí, di manera ku e chèns pa kai bèk den komportashon kriminal ta bira mas chikitu.
Storianan di éksito i Perspektivanan
Desde introdukshon di areglonan similar na 2015, hopi detenido na Hulanda Oropeo a hasi uzo di e posibilidat pa mantené relashonnan estrecho durante nan detenshon ku éksito. Esaki a kontribuí na nan reintegrashon eksitoso i bahada di residivismo. JICN ta desidido pa kontinuá e tendensia positivo akí ku introdukshon di RBB.