Shirley Cecilia ta bira miembro nobo di e komishon di CBP BES
Señora drs. Ing. Shirley Cecilia a akumulá un eksperensia amplio. Komo líder di proyekto, ela establesé e Outoridat di Protekshon di Datos (College Bescherming Persoonsgegevens) na Kòrsou. Ademas, e tin eksperensia komo lider di proyekto di e Sistema di Registrashon Básiko i komo konsehero pa e minister di Atministrashon, Planifikashon i Servisio.
Den pasado e a lanta tambe e departamento di ICT di e Laboratorio Nashonal, awor yamá ADC. Su konosementu amplio di informashon tékniko i maneho di proyekto ta un komplementashon balioso, ku un base riku na konosementu i eksperensia.
CBP BES ta un supervisor independiente establesé pa medio di un dekreto Real. Su tarea ta pa sigurá ku ta trata ku e datonan personal di akuerdo ku e Lei di Protekshon di datonan personal BES (Wbp BES). Ademas, CBP BES ta kontrolá e prosesamentu di dato polisial (Wpg) i e atministrashonnan básiko di dato personal na Boneiru, Sint Eustatius i Saba (Wba BES).
“Ku e nombramentu di señora Cecilia, nos ta yama bon bini na un base riku di konosementu. Shirley ta motivá pa medio di un pashon profundo pa su profeshon i lo dediká su mes kompletamente na protekshon di derecho di privasidat di e siudadanonan di Hulanda Karibense”, asina presidente Glen Thode a ekspresá.
Señora Cecilia ta spera riba un kolaborashon konstruktivo ku su koleganan den CBP BES i ku e partnernan di kadena. E ta kla pa kuminsá.
Pa mas informashon tokante legislashon i e tareanan di CPB BES, por bishitá nos wèpsait: www.cbpbes.com.