Barèt blou pa aspirantenan di Koninklijke Marechaussee
Riba djamars 25 di yüni e klas di aspirante di Koninklijke Marechaussee a risibí e barèt blou for di man di ‘opperwachtmeester’ Alexander Pasveer, instruktor di e sektor Estudio Básiko di e Sentro di estudio, treinen i konosementu di Koninklijke Marechaussee na Apeldoorn. Ku esaki e aspirantenan a finalisá e parti di estudio na Hulanda.
![Aspiranten KMar](/binaries/medium/content/gallery/rijksdienstcn-nederlands/content-afbeeldingen/nieuws-afbeeldingen/2024/kmar/aspiranten.jpg)
Riba 8 di aprel e studiantenan a sali pa Hulanda pa na OTCKmar na Apeldoorn sigui e modulonan ‘Algemeen’, ‘Integrale Beroepsvaardigheidstraining’ (IBT) en ‘DOC1’. E modulonan aki ta forma parti di e estudio pa ‘Algemeen Opsporingsambtenaar Caribisch Nederland’ (AO KMar CN).
E siguiente parti di e estudio ta tuma lugá na Boneiru na unda ku lo sigui trein nan pa bira ámtenarnan di ‘opsporing’ general Hulanda Karibense.
Konsiderando tur kos, tabata un periodo drùk i impreshonante na unda hopi estudio i siña abilidatnan di IBT tabata pará sentral. Ta ferwagt e aspirantenan pa finalisá e estudio kompletu den yanüari 2025.