VNG ta funda Caribendesk
Ministerio di Asuntunan Interno i Relashon den Reino (BZK) i Asosashon di Munisipionan Hulandes (VNG) ta bai intensivá nan kolaborashon. Entrante promé di yüli 2024 e ‘Caribendesk’ di VNG pa Hulanda Karibense (Boneiru, Sint Eustatius i Saba) ta inisiá, ku kofinansiamentu di BZK. Djamars presidente di VNG, Sharon Dijksma, i Direktor-general di Relashon den Reino di e ministerio di BZK, Roald Lapperre, a anunsiá e Caribendesk di VNG durante e kongreso anual di VNG na ‘Groene Hart’ .
Fortifiká
Ku fundamentu di e Caribendesk di VNG, VNG kier sigui aportá pa fortifiká e sosten na e entidatnan públiko Boneiru, Sint Eustatius i Saba. Ta hasi uzo di e konosementu i ekspertisio di VNG riba tereno di servisio, suministro di un plataforma i promoshon di interes, pa reforsá maneho, legislashon i ehekushon.
Miembronan partikular
E islanan ta miembro partikular di VNG, pero debí na nan státus partikular, nan no por hasi uzo di tur servisio i produkto di VNG. Boneiru, Sint Eustatius i Saba a indiká den kombersashon ku VNG i e diferente ministerionan ku nan lo benefisiá di mihó akseso na servisio i sosten di VNG. E Caribendesk di VNG lo bai sostené Boneiru, Sint Eustatius i Saba den entre otro ehekushon di un kantidat di evaluashon di ehekushon i legislashon.
Proyekto piloto
Lo funda e Caribendesk di VNG komo un proyekto piloto pa un aña i mei. Durante e periodo akí ta averiguá huntu ku e islanan riba kua tereno di maneho, sosten di VNG ta mas útil i kon por garantisá i finansiá e proyekto strukturalmente.