Kuido i Hubentut Hulanda Karibense ta firma kontrakt ku Medicair pa buelonan médiko di urgensia
Boneiru – Kuido i Hubentut Hulanda Karibense (ZJCN) a sera un akuerdo di dos aña ku e kompania di aviashon Medicair pa ehekutá buelonan médiko di urgensia for di Hulanda Karibense. E akuerdo ta garantisá kontinuashon di traslado médiko rápido i konfiabel pa aseguradonan di Boneiru, Sint Eustatius i Saba.
Medicair ta un kompania di aviashon eksperensiá ku ta proveé buelonan di ambulans aéreo pa mas di dies aña kaba pa e habitantenan di Hulanda Karibense. E kontrakt aki ta proveé un solushon stabil pa e transporte aéreo regional di pashèntnan ku emergensia médiko. Banda di esaki, un alternativa ta keda disponibel via SARPA si akaso Medicair no por ehekutá un buelo.
ZJCN, Medicair i Fundashon Mariadal (FM) ta kolaborá estrechamente pa garantisá buelonan efisiente. Asina, FM ta usa su propio personal médiko riba e buelonan i e planifikashon di e buelonan tambe ta kai bou di hospital.
Ku e kolaborashon aki, ZJCN ta dal un stap importante pa fortifiká e servisio di traslado médiko di urgensia na Hulanda Karibense.