Komandantenan di kuerpo di bombero di e parti Karibense di Reino ta reforsá kolaborashon
Komandantenan di kuerpo di bombero Kòrsou, Aruba, Sint Maarten i Hulanda Karibense (Boneiru, Sint Eustatius i Saba) a reuní siman pasá pa un enkuentro di dos dia. Bombero Hulanda i Akademia di Reino di Bombero di Bombero tambe tabata presente. Durante e enkuentro nan a papia tokante reforsá e kolaborashon i a sera akuerdo nobo pa futuro.
E laso di kolaborashon entre e kuerponan di bombero den e parti Karibense di Reino ta kumpli dies aña e aña aki. Den e periodo ei, e kuerponan a kolaborá intensivamente riba tereno di entrenamentu, seguridat, yudansa den kaso di desaster i desaroyo di lidernan den kuerpo di bombero
Entrenamentu
Durante e enkuentro, e komandantenan a diskutí kon ta mihó paharmonisá entrenamentu i kualifikashon di personal di kuerpo di bombero. Esaki lo hasi mas fasil pa interkambiá personal di kuerpo di bombero temporalmente. Asina nan por gana eksperensia òf yuda otro den situashon di emergensia.
Nan a papia tambe tokante un entrenamentu konhunto pa kontroladónan di prevenshon di kandela. Den esaki, e kuerponan ta kompartí konosementu i eksperensia ku otro i ku Hulanda. Ademas, a sera akuerdo tokante sosten rápido despues di un orkan. Por transportá personal di kuerpo dibombero rápidamente pa e área afektá pa duna yudansa.
Huntu mas mihó
Pa habitantenan di Boneiru, Sint Eustatius i Saba, e kolaborashon ku e otro islanan den reino ta nifikátambe si e kuerpo mester di sosten di koleganan di otro isla.
