Bevolkingsonderzoek Caribisch Nederland lo kuminsá ku skrinmentu pa kanser na tripa na aprel 2025
Na aprel 2025 lo kuminsá ku e di tres investigashon di poblashon relashoná ku kanser na Boneiru i e promé den kua hende hòmber tambe por partisipá. Ta ofresé skrinen di kanser na tripa na tantu hende hòmber komo hende muhé entre e edatnan di 55 i 75 aña.
Tur hende den e grupo di enfoke lo risibí un karta di invitashon denter di dos aña, despues di kual nan por inskribí pa partisipá. Bo no a risibí un invitashon, pero tòg lo bo ke partisipá? Tuma kontakto ku e organisashon di skrinen. Partisipashon ta grátis.
Mas informashon
Bo ke mas informashon tokante kanser na tripa i e importansia di detekshon trempan? Bo por tuma kontakto ku e organisashon di skrinen òf bo dòkter di kas pa esaki. Bo por tuma kontakto ku e organisashon di skrinen via number di telefòn (+599) 715 9200, WhatsApp (+599) 781 0476, òf via e-mail screeningCN@rivm.nl i via e wèpsait: www.screening-cn.com.