A realisá kòntròl multidisiplinario dirigí riba konsientisashon i kumplimentu
Djabièrnè último 11 i djaluna 14 di aprel a realisá diferente kòntròl multidisiplinario na Sint Eustatius. A realisá e kontròlnan den sektor di hóreka i di konstrukshon, i tabata dirigí riba konsientisashon i kumplimentu.
A inisiá e kòntròlnan for di e kolaborashon Regionale Informatie- en Expertisecentrum CN (RIEC CN), ku ta traha entre otro pa fortifikashon di e enfoke integral di ‘ondermijning’ riba e islanan Boneiru, Sint Eustatius i Saba. Diferente instansia, entre otro Kuerpo Polisial Hulanda Karibense (KPCN), Belastingdienst (BCN), departamentu di Supervishon i Mantenshon di Lei di Entidat Públiko Sint Eustatius (T&H OLE) i Servisio di Imigrashon i Naturalisashon Hulanda Karibense (IND CN), a traha huntu riba e kontròlnan pa kontrolá kumplimentu ku lei i regulashon den e sektor di hóreka i konstrukshon.
Durante e kòntròlnan na kuater (4) establesimentu di hóreka, na un lokalidat a topa ku un empleado sin pèrmit di trabou. Na un di e di dos (2) lokalidatnan di konstrukshon ku a kontrolá e supervisornan a topa ku ocho (8) persona sin pèrmit di estadia bálido. E instansianan enbolbí ta hasi mas investigashon di e situashonnan aki.
E kòntròlnan ta forma parti di un enfoke mas amplio dirigí riba konsientisashon i fortifikashon di kumplimentu ku lei i regulashon. E instansianan ku ta traha huntu ta indiká ku e inspekshonnan konhunto aki lo haña un karakter struktural ku tempu i lo ehekutá esakinan ku regularidat. Ta stimulá empresario- i siudadanonan pa regla nan asuntunan i asina kontribuí na un komunidat hustu i seif na Sint Eustatius.
*Pa krímen di ‘ondermijning’ kriminalnan ta hasi uzo di negoshi i servisionan (gubernamental) legal pa aktividatnan ilegal. Dor di esaki norma i balor i e sentido di seguridat i abitabilidat ta disminuí. E efekto aki yama tambe ondermijning.