Nota di primavera: medidanan pa sostené forsa di kompra Hulanda Karibense, sosten pa trabou adekuá
Durante último añanan a tuma pasonan importante pa mehorá siguridat di bida na Boneiru, Sint Eustatius i Saba. Pa sigui ku e esfuerso aki, na fin di aña pasá gabinete a reservá €9,5 mion pa aña pa sostené e forsa di kompra aun mas na Boneiru, Sint Eustatius i Saba. Ademas, e gabinete ta pone strukturalmente €4 mion disponibel pa mehorá trabou pa personanan ku distansia for di merkado laboral riba e islanan. Esaki ta poné den e nota di primavera (voorjaarsnota) ku e gabinete a publiká.
Sekretario di estado Nobel (Partisipashon i Integrashon):
“Ounke ku e gabinete tabatin desafionan finansiero grandi pa solushoná, nos tin wowo pa e problemátika di pobresa riba e islanan i nos lo sigui ku mehorashon di e forsa di kompra na Boneiru, Sint Eustatius en Saba.”
Medidanan pa forsa di kompra
E gabinete ta traha pa baha kosto di bida pa tur kas di famia dor di hasi e kostonan di utilidat i kostonan di internèt mas abou. Di e forma aki ta prolongá (un parti) di e supsidionan adishonal di koriente i awa di bebe pa kas di famia ku a terminá na promé di yanüari último. Tambe kasnan di famia ta risibí den 2025 i 2026 un supsidio adishonal pa uso di internèt na balor di $15 pa konekshon pa luna. E gabinete tin wowo pa e problemátika di pobresa na Hulanda Karibense. Ta p’esei meskos ku añanan anterior, den 2025 i 2026 kasnan di famia ku un entrada abou ta bini na remarke pa un kompensashon di koriente di $1300 pa aña. Tambe pa e dos (2) añanan benidero tin un total di €1 mion pa inisiativanan lokal pa kombatí pobresa di mucha.
Di e manera aki, den un tempu kòrtiku e gabinete ta tuma medida pa sigui fortifiká e seguridat di bida na Boneiru, Sint Eustatius i Saba. Banda di esei, aktualmente e gabinete ta investigá e posibilidatnan pa un areglo di yudansa pa mucha a base di entrada. Esaki ta basá riba e konklushonnan di e Komishon Mínimo Sosial Hulanda Karibense, ku ta mustra ku famianan ku yu, tin mester di sosten finansiero adishonal. Pa e ayudo aki, e gabinete ta reservá di manera struktural €10,8 mion.
Sosten pa personanan ku distansia for di merkado laboral
Tambe e gabinete ta pone den forma struktural €4 mion disponibel pa personanan ku distansia for di merkado laboral na Boneiru, Sint Eustatius i Saba. Ku esaki, e grupo aki awor ta haña e siguransa di risibí sosten den futuro i tambe pa haña trabou adekuá. Si ta posibel serka un dunadó di trabou regular, i sino na un lugá di trabou protehá. Den e añanan tras di lomba, e gabinete semper a pone fondo disponibel di manera temporal pa esaki. Ku e medida nobo aki, e fasilidat aki ta bira di forma struktural awor.