Komishon Relashonnan den Reino ta hasi bishita di trabou na área karibense
Di djadumingu 4 di mei te ku djabièrnè 9 di mei 2025 komishon Relashonnan den Reino di Tweede Kamer ta hasi un bishita di trabou na Aruba, Kòrsou i Boneiru. E bishita di trabou ta den kuadro di duna e boseronan nobo un introdukshon inisial na e islanan. Lo papia riba temanan manera desaroyo ekonómiko, durabilidat, enseñansa, kuido di salú, bibienda i siguridat i mantenshon di lei.
E delegashon ta konsistí di miembronan di Tweede Kamer:
- O.C. (Olger) van Dijk (NSC, Presidente di e komishon fiho pa Relashonnan den Reino)
- R.J. (Raoul) White (GroenLinks/PvdA)
- A. (Aukje) de Vries (VVD)
- F.H. (Faith) Bruyning (NSC)
- P. (Mpanzu) Bamenga (D66)
- D.G.M. (Don) Ceder (ChristenUnie)
Na mei 2024 e komishon a bishitá e otro tres islanan di e parti karibense di Reino (Saba, Sint Eustatius i Sint Maarten). Despues di e dos biahenan akí e komishon a sera konosí ku tur e partinan karibense di Reino.
Bista breve di e programa:
- Djadumingu 4 di mei – Biahe Amsterdam-Aruba
- Djaluna 5 di mei – Aruba: enkuentro- i bishitanan relashoná ku hubentut, desaroyo ekonómiko, siguridat i agrikultura.
- Djamars 6 di mei – Aruba: bishitanan relashoná ku durabilidat i desaroyo ekonómiko. Kontinuashon di e biahe pa Kòrsou: enkuentro- i bishitanan relashoná ku gobernashon i Relashonnan den Reino.
- Djárason 7 di mei – Kòrsou: enkuentro- i bishitanan tokante hubentut, durabilidat, desaroyo ekonómiko, klima i kuido di salú.
- Djaweps 8 di mei – Kontinuashon di e biahe pa Boneiru: enkuentro- i bishitanan relashoná ku enseñansa, siguridat i mantenshon di lei.
- Djabièrnè 9 di mei – Boneiru: enkuentro- i bishitanan relashoná ku agrikultura, desaroyo ekonómiko, bibienda sosial i sosiedat sivil. Biahe di regreso pa Amsterdam.