Promé minister Schoof ta bishitá parti karibense di Reino
Promé minister Schoof, di 9 te ku 14 di mei, ta bishitá Boneiru, Aruba, Kòrsou, Sint Maarten, Saba i Sint Eustatius. E bishita di sera konosí ta karakterisá pa Reino den un mundu ku ta kambiando.
Banda di enkuentronan ku gobernador-, promé minister- i miembronan di Staten di Aruba, Kòrsou i Sint Maarten i gezaghèber- i konsehonan insular di Boneiru, Sint Eustatius i Saba, e bishita ta enserá un programa diverso.
E bishita ta kuminsá na Boneiru, unda e promé minister lo profundisá su mes den historia i naturalesa, pa despues e tene diferente kòmbersashon riba e isla. Riba 10 di mei e ta kontinuá su biahe pa Aruba. Aki e ta bishitá un empresa lokal i e ta bishitá Hòspital Horacio Oduber i Korrektie Instituut Aruba (KIA). E promé minister ta sali 11 di mei pa Kòrsou, unda e ta haña un rekorido na e base di marina.
E siguiente dia e ta sigui su biahe pa Sint Maarten, unda lo inform’é tokante temanan di desaroyo ekonómiko, rekonstrukshon i bon gobernashon. Riba 13 di mei tin bishita na Saba i Sint Eustatius riba e programa. Na Saba e promé minister, lo wak dos proyekto grandi: haf i desaroyo di St. Johns. Ei ta konstruyendo un sala di deporte, un skol tékniko i un ‘enrichment center’. Na Sint Eustatius ta sigui un rekorido den kuadro di Statia 2026. Na fin di dia promé minister Schoof ta bolbe biaha pa Sint Maarten. Riba 14 di mei tin riba e programa entre otro un bishita na e ‘Cruiseterminal’ den kuadro di desaroyo ekonómiko, na ‘Courthouse’ i proyektonan di rekonstrukshon ku a inisiá despues di e destrukshonnan kousá pa orkan Irma na 2017.