Ta adaptá e Lei di Salarionan mínimo BES (Wet minimumlonen BES ) pa pèrkurá pa Boneiru, Sint Eustatius i Saba haña salario mínimo pa hóbennan for di 15 aña. Te ku 14 di yanüari, tur hende por reakshoná riba e kambio aki ku pregunta òf remarke via: https://www.internetconsultatie.nl/wijzigingvanhetbesluitminimumjeugdloon
inverbandmetdeverhogingvanhetminimumjeugdloon
Aktualmente ainda no tin salario mínimo pa hóben di 15 aña riba e islanan, pero na Hulanda Oropeo sí tin. Gabinete ta haña importante ku tur trahadó, di kualke edat, ta risibí protekshon pa medio di un salario mínimo. Pa e motibu ei, gabinete ta hasi e proposishon tambe pa introdusí un salario mínimo pa hóben di 15 aña na Boneiru, Sint Eustatius i Saba.
Ta determiná e salario mínimo pa hóben pa edat ku un porsentahe di e salario mínimo pa trahadó di 21 aña bai ariba: wak e tabla aki bou. Gabinete ke introdusí un porsentahe di salario mínimo di 55% pa hóben di 15 aña na Boneiru, Sint Eustatius i Saba. E porsentahe aki ta pas ku e porsentahenan eksistente pa hóben di 16 pa 21 aña, kaminda hóben ta gana mas segun e bira mas grandi.
Na momento ku introdusí e porsentahe pa hóben di 15 aña, e porsentahenan aki lo ta esnan, ku for di 2027 lo usa pa asina derivá e salario mínimo pa hóben for di e salario mínimo:
- 21 aña òf mas 100%
- 20 aña 90%
- 19 aña 85%
- 18 aña 75%
- 17 aña 65%
- 16 aña 65%
- 15 aña 55%