Kuido i Hubentut Hulanda Karibenseta anunsiá ku a nombrá Melissa Arias komo hefe interino di kuido. E ta tuma e tareanan di èks-hefe Curvin George te ku 1 di aprel 2026, pa garantisá kontinuidat den e área di kuido.
Imágen: © ZJCN
Melissa Arias a kaba su estudio komo dòkter general na Rijksuniversiteit Groningen i tin amplio eksperensia den kuido di salú públiko tantu na Hulanda Europeo komo den e parti karibense di Reino. Un parti importante di su eksperensia profeshonal ta na Kòrsou, kaminda ku el a biba i traha vários aña. Asina ei, e tabata hefe di asuntunan Médiko i servisio di salubridat na e Ministerio di Salú, Medio Ambiente i Naturalesa for di 2020 te ku 2024, i asina aki a traha pa hopi aña pa GGD na Kòrsou. E eksperensia regional aki ta dun'é un komprendementu fuerte di e kuido di salú, kultura i retonan den e konteksto karibense.
Den un funshon resien na Ministerio di Salú Públiko, Bienestar i Deporte, Arias a traha den maneho, maneho di programa i organisashon di kuido. Dor di su kombinashon di ekspertisio médiko, eksperensia atministrativo i konosementu di e panorama di kuido karibense, e ta den un posishon ekselente pa duna direkshon temporal na e área di kuido di ZJCN.
“Ku yegada di Melissa Arias, e kontinuidat di e área di kuido ta garantisá,” segun ZJCN. “Su eksperensia i embolbimentu ku e region karibense ta forma un base fuerte pa e temporada benidero.”