E proseso di evaluashon pa beka di promoshon Karibense a kuminsá ofisialmente. Despues di un periodo di interes intenso, ku 126 karta di intenshon entregá, 72 di e preliminarnan aki a progresá pa e siguiente fase. Awor un komishon di evaluashon independiente lo evaluá e preliminarnan ku lo konsehá kua kandidato por elaborá riba un aplikashon kompleto.
Kontrol i Retraso
For di ’deadline’ di 15 di sèptèmber, NWO a revisá tur proposishon preliminar pa eligibilidat. Kandidatonan a haña vários oportunidat pa ahustá nan formulario, loke a kousa un retraso leve den e promé buèlta. E oportunidat adishonal aki tabata importante pa garantisá ku tur hende tabatin un chèns hustu.
Komposishon di e Komishon di Evaluashon
E tim di e programa a selektá 27 miembro di komishon independiente ku ekspertisio den e área di investigashon relevante. A duna atenshon ekstra na miembronan di e region di Karibe pa garantisá ku ta konsiderá e konteksto karibense di e investigashon korektamente. Esaki ta un faktor importante pa evaluá e proposishonnan preliminar adekuadamente. Por haña e komposishon di e komishon di evaluashon riba e wèpsait di NWO.
Planifikashon
E miembronan di e komishon lo traha riba nan evaluashonnan te ku e di dos mitar di yanüari. A base di e evaluashonnan aki, lo hasi un selekshon di e aplikashonnan kompleto, pa kua lo entrevistá kandidatonan den zomer di 2026. Un total di 7 beka promoshonal ta disponibel. Pa prevení karga di trabou innesesario, NWO tin komo meta pa atmití 21 kandidato na e buèlta final.
Base
A desaroyá e promé buèlta di e instrumento nobo di finansiamentu beka promoshonal Karibense di e ‘Programma Caribisch Onderzoek’ den e periodo 2024-2025 den konsulta ku (potensial) kandidatonan di PhD di e parti Karibense di Reino Hulandes i e universidatnan di Aruba, Kòrsou, i Sint Maarten. Lo usa e eksperensianan di e promé buèlta aki pa mehorá e siguiente buèlta di bekanan promoshonal Karibense ku e mes un partnernan.
Mas informashon
Pa informashon detayá tokante e prosedura di evaluashon, kriterionan di selekshon i liña di tempu, konsultá e “Call for Proposals” kompleto. Si bo tin kualke pregunta, por fabor tuma kontakto ku e tim di sosten na phd-caribbean@nwo.nl.