Aspirantenan pa Koninklijke Marechaussee ta risibí diploma
Djabièrnè último, 31 di yanüari, entrega di diploma na e aspirantenan di Koniklijke Marechaussee a tuma lugá na Boneiru. E aspirantenan a haña estudio pa “Algemeen Opsporingsambtenaar” Hulanda Karibense. Ku e entrega di diploma a klousurá e trayekto di estudio intensivo na un manera festivo.
Entrega di diploma
Durante e seremonia festivo un total di 13 studiante a risibí nan diploma for di man di Kolonèl Willemijn Arends, komandante di ‘Opleidings-, Trainings- en Kenniscentrum KMar’.
Entre otro komandante brigada general di LTC Jos Pieters, hefe di Kuido Polisial Básiko di Kuerpo Polisial Hulanda Karibense, Edwin van der Giessen, direktor di Rijksdienst Caribisch Nederland (RCN) Tim Muller i e komandante di brigada di e brigada Hulanda Karibense teniente-kolonèl Gerhard Smit tabata presente.
Trayekto di estudio
E studiantenan a finalisá un periodo di estudio intensivo di mas o ménos 9 luna, di kua e promé 3 lunanan tabata na Hulanda i e último 6 lunanan na Boneiru. Tabata e promé biaha ku a hasi un parti di e estudio na Hulanda i un parti den e área di Karibe.
Empeño
For di awor nan lo desplegá nan den e brigada di KMar Carib komo empleado polisial pa tareanan di frontera na Boneiru, Sint Eustatius i Saba. E koleganan nobo aki ta un aporte hopi balioso na e dato di personal aktual di Hulanda Karibense.