A rechasá petishon di Starlink pa konseshon di servisio di komunikashon via satélite na Boneiru, Sint Eustatius i Saba
‘Rijksinspectie Digitale Infrastructuur’ (RDI) a pidi Starlink na yüli 2024 pa stòp di ofresé servisionan via satélite na Boneiru, Sint Eustatius i Saba, pa motibu ku e kompania no ta disponé di e konseshon rekerí. Poko tempu despues Starlink a entregá un petishon di konseshon. Resientemente RDI a rechasá e petishon aki pa motibu ku e kompania no ta kumpli ku e kondishonnan stipulá.
Un kondishon importante ta ku un kompania mester ta inskribí den e registro di Kámara di Komersio BES. Pa motibu ku e kompania no a kompletá esaki ainda, RDI ta rechasá e petishon pa konseshon. Starlink por bolbe hasi un petishon pa konseshon, asina ku ta kumpli ku tur kondishon.
Sin konseshon Starlink no por entregá servisio di internèt na partikular òf kompanianan na Boneiru, Sint Eustatius i Saba. Eksepshon ta konta pa barkunan i avion for di eksterior, i tim di kalamidat ku gobièrnu ta apuntá na momentu di kalamidat, manera por ehèmpel ora di orkan.
Pa pregunta tokante e komunikado di prensa aki por tuma kontakto ku ‘Rijksinspectie Digitale Infrastructuur’ via telefòn (+599 7173140) òf meil (BES@RDI.nl).