Tweede kamer ta bai di akuerdo ku e Lei pa Protekshon kontra diskriminashon na Boneiru, Sint Eustatius i Saba
Riba djamars 18 di febrüari 2025 Tweede Kamer a aprobá e introdukshon di legislashon pa trato igual na Boneiru, Sint Eustatius i Saba.
Basá riba artíkulo 1 di e Konstitushon diferente lei ku ta garantisá trato igual ta na vigor na Hulanda. Na Boneiru, Sint Eustatius i Saba ainda e leinan aki no ta na vigor. E punto di salida ta ku legislashon mester ta konta pa Hulanda kompletu, a ménos ku tin un bon motibu pa desviá di esaki.
For di investigashon a sali na kla ku e proposishon di lei ku ta introdusí e lei di trato igual, ta ehekutabel i importante pa habitantenan di Boneiru, Sint Eustatius i Saba. P’esei e gabinete ta traha, tambe riba petishon di kolegio ehekutivo, na introdukshon di e legislashon riba e islanan. Einan habitantenan por hasi un apelashon pa esaki si nan ta sinti nan deskriminá. Pa haña ayudo i asistensia pa loke ta trata deskriminashon, habitantenan por bai na un fasilidat ku ta kontra di deskriminashon.Lo alohá e fasilidat aki na e lokèt di ayudo hurídiko, ku ta den preparashon pa kada isla.
Kontinuashon den Eerste Kamer
Awor ta manda e proposishon di lei pa Eerste Kamer pa nan trata esaki. E ta bira definitivo na momentu ku Eerste Kamer tambe bai di akuerdo ku esaki.
Pa mas informashon tokante e legislashon aki wak e dokumentonan parlamentario korespondiente.