Skrinen di poblashon Hulanda Karibense ta bishitá kompanianan
Pa informá poblashon bon tokante investigashon di poblashon Skrinen di poblashon Hulanda Karibense ta brinda e posibilidat den e periodo benidero pa duna e presentashon ‘Mi tambe ke’ na kompanianan, tokante e diferente skrinennan.
Na yanüari Skrinen di poblashon Hulanda Karibense a pone hopi atenshon na skrinen di kanser na boka di matris. Dia 15 di yanüari tabata tin un dia habrí den kolaborashon ku Fundashon Mariadal i e organisashon di skrinen a organisá un anochi deportivo. Mas ku 1400 hende muhé entre 30 i 60 aña a partisipá for di 2022.
Skrinen di poblashon Hulanda Karibense ta ofresé tambe e posibilidat na hende muhé di 50 te 75 aña pa partisipá na e skrinen di kanser na pechu. Ademas e organisashon di skrinen lo kuminsá tambe denter di poko ku skrinen di kanser na tripa. E skrinen aki ta tantu pa hende muhé komo hende hòmber den e edat di 55 te 75 aña.
Mas informashon òf bishita
Bo tin pregunta tokante e diferente skrinennan òf bo ke mas informashon tokante e posibilidatnan pa risibí un presentashon na bo organisashon? Tuma kontakto telefóniko via (+599) 7159200 òf Whatsapp (+599) 781 0476 òf manda un meil na screeningCN@rivm.nl