CBS ta inisiá enkuesta Kuenta Nashonal Hulanda Karibense 2023
Durante e próksimo lunanan Ofisina Sentral di Estadístika (CBS) lo ehekutá un investigashon bou di sektor empresarial riba e islanan di Hulanda Karibense, komo parti di enkuesta riba Kuenta Nashonal. E aña di investigashon ta 2023. E investigashon aki tin komo meta pa hasi un inventarisashon di desaroyo ekonómiko na Bonaire, Saba i Sint Eustatius. CBS lo aserká e empresanan riba e tres islanan pa kompletá e kuestionario. CBS lo publiká e resultadonan di e investigashon den e último trimèster di aña 2025.
Algun resultado di e investigashon di 2022:
- Ekonomia di Boneiru i Saba a krese ku respektivamente 8,8 i 1.5 porshento na 2022. Na Sint Eustatius, e ekonomia a baha ku 11.0 porshento.
- Debí na terminashon di tur medida di Corona na Boneiru na kuminsamentu di 2022, turismo via avion a oumentá ku mas di 111 mil turista na 2021 te ku 173 mil turista na 2022. Esaki a trese kune ku e balor agregá di tantu e sektor di horeca komo rekreashon a oumentá ku mas ku 45 porshento.
- Kousa di e kontrakshon ekonómiko di 11,0 porshento na Sint Eustatius tabata pa motibu di un bahada den volúmen di benta di vários kompania grandi ku ta dependé hopi di e merkado internashonal di petroli.
- Na Saba, atministrashon públiko a duna e kontribushon positivo di mas grandi na kresementu ekonómiko. E balor agregá di e industria aki a oumentá, ya ku 7 porshento a krea mas kupo di trabou na 2022.
- Na Boneiru, servisionan finansiero a baha mas tantu di tur sektor (-9,6 porshento). Esaki ta na liña ku desaroyo di trabou den e industria aki na 2022.
Pa por garantisá éksito di e investigashon riba tur tres isla, CBS ta pidi koperashon di tur empresa. Pa lei, CBS tin e obligashon di trata tur dato rekolektá na un manera estriktamente konfidensial. Pa mas informashon i pregunta òf yudansa ku e kuestionario por tuma kontakto ku ofisina di CBS.
CBS Caribisch Nederland
Bulevar Gobernador N. Debrot 67, unit 9
Kralendijk Boneiru
Númber di telefòn: +599 717 8676
Email: economie.cn@cbs.nl