Esaki ta nos! – CBS a lansa kampaña públiko
Lema: Mamanan ta papia, sifra ta konta
CBS a kuminsá un kampaña públiko pa oumentá konsiensia riba tereno di dato. Ofisina Sentral pa Estadístika ta e kolekshonadó di dato i kompiladó di estadístika pa Hulanda Karibense i ta produsí estadístika tokante diferente tema, manera poblashon, ekonomia i bienestar.
Den e kampaña públiko akí, siudadanonan ta ekspresá dikon ta importante pa por plania pa futuro ku sifranan konfiabel. Na promé lugá nos ta hasi esaki a base di e tema poblashon.
Kampaña di poster
E kampaña ta konsistí di dos parti. Un kampaña di poster riba kaya den kua nos ta mustra un mama ku un yu chikitu. E lema ta: Mamanan ta papia, sifra ta konta. Ku esaki e kier bisa ku si e partisipá na e investigashon di CBS, e organisashon di estadístika por hasi diferente aspekto di su situashon di bida (entre otro entrada, salú, felisidat i situashon laboral) mas komprendibel.
Poblashon ta krese na Boneiru, Sint Eustatius i Saba. Si bo no ta disponé di dato tokante un poblashon ku ta kresiendo òf ta bahando, e ora ei bo no por planifiká kapasidat den hòspitalnan, kasnan di grandinan i akohidanan di mucha. Tin mester di sifranan real pa por hasi kalkulashon i hiba un debate sosial. CBS ta sigui hasi investigashon riba diferente tópiko riba e isla i pa esaki tin mester di ayudo di siudadano- i kompanianan.
Esaki ta nos!
Esaki ta nos! ta e di dos parti di e kampaña ku lo ta bon visibel tambe riba e islanan. E ta tradukshon di e tema den sifra. Ku poster riba kaya i un kampaña ‘online’ nos ta mustra sifranan ku ta konta storia di nos poblashon riba e islanan. Si nos tin e sifranan akí, nos por pone e tema di kresementu di poblashon na diskushon.
E kampaña ta na hulandes, ingles i papiamentu.
Bo kier sa mas? www.cbs.nl/campagne
