Famianan sigur sentral den e mensahe di ZJCN rondó di Dia Internashonal di Famia (15 di mei)
Dia 15 di mei a selebrá Dia Internashonal di Famia mundialmente, un dia proklamá pa Nashonnan Uni pa reflehá riba e balor di famia komo fundeshi di komunidat. Kuido i Hubentut Hulanda Karibense (ZJCN) a uza e dia aki pa hala atenshon, huntu ku partnernan lokal, riba e importansia di relashonnan familiar sano i respetuoso, i riba importansia pa duna asistensia kaminda ta nesesario.
Un famia ta un refugio seif pa hopi, e lugá kaminda amor, sosten i stabilidat ta sentral. Pero lamentablemente, esaki no ta e kaso pa tur hende. Violensia doméstiko i maltrato di mucha ta sosodé na Boneiru, Saba i Sint Eustatius tambe. P’esei ta importante pa sigui papia tokante seguridat i bienestar den seno di famia – pa mucha, adulto i hende grandi.
ZJCN ta traha huntu ku organisashonnan lokal pa konsientisá i pa hasi asistensia aksesibel pa personanan ku ta preokupá pa seguridat den nan seno familiar.
Akshon di konsientisashon: huntu pa seguridat na kas
Den e siman di 12 di mei i e siman despues lo parti pamfleta na tur kas na Boneiru, Saba i Sint Eustatius. E pamfletanan aki ta duna informashon tokante e Puntonan di Konseho pa Violensia Doméstiko i Maltrato di Mucha: lugánan kaminda residentenan por bai ku pregunta, preokupashon òf pa yudansa. E mensahe ta kla: kuida otro ta kuminsá na kas, i si kosnan no ta bai bon, tin yudansa.
Fuerte huntu: papia di dje
Ku e inisiativa aki, ZJCN ke enkurashá tur hende pa no evitá di papia tokante seguridat den seno familiar. Sea bo mes mester di yudansa òf bo ta preokupá pa un otro hende – semper tin un lugá kaminda bo por bai.
Bo tin preokupashon tokante bo mes òf un otro hende, òf preguntanan tokante violensia doméstiko i maltrato di mucha? Yama:
BONEIRU
Guyami (Sentro Akseso)
0802 0802
SINT EUSTATIUS
Statia Strong Support Hotline
+599 318 4837
SABA
Domestic Safety Point
+599 416 6936
+599 416 3053