Bon gobernashon i kualidat komo empresario lokal ta sentral durante bishita di sekretario di estado Szabó na Boneiru
Sekretario di estado Zsolt Szabó (Digitalisashon i Relashonnan den Reino) ta bishitá Boneiru di 25 te ku 28 di mei. Aparte di kòmbersashon ku kolegio ehekutivo, gezaghèber i representante di Reino interino, señor Szabó ta bishitá diferente kompania i organisashon sosial. E puntonan klave di e sekretario di estado ta: outosufisiensia ekonómiko, bon gobernashon i finansa sólido. Tur e tópikonan akí ta bin riba mesa durante e kòmbersashonnan.
Djaluna 26 di mei
E bishita di trabou ta kuminsá riba djaluna 26 di mei. Señor Szabó ta bishitá ofisina di IND i warda di polis. E ta papia ku kolaboradónan di Kuerpo Polisial Hulanda Karibense i di Sentro Regional di Informashon i Ekspertisio (Regionale Informatie- en Expertisecentrum) (RIEC), tokante kombatimentu di kriminalidat ku ta destabilisá komunidat. Ku e enviado spesial pa fondonan di Union Oropeo e sekretario di estado lo diskutí resultadonan di diferente mishon komersial i konferensia. Despues e sekretario di estado ta papia ku representantenan di e organisashon di habitante Pro Lagun riba e situashon na Selibon. Bou di punto klave outosufisiensia ekonómiko, ta kai tambe esfuerso pa logra siguridat di kuminda pa medio di produkshon lokal di kuminda. P’esei señor Szabó den oranan di atardi ta bishitá krio di galiña Punta Blanku. Riba mesun dia e sekretario di estado ta haña un rekorido na e Instalashon pa purifikashon di awa di WEB.
Djamars 27 di mei
E dia ta kuminsá ku un bishita na Lèntfel di Selibon, den kompania di representante di Reino interino i kolegio ehekutivo. Despues e ta pasa na MBO Boneiru, e bishita akí ta den kuadro di e kursonan tékniko ku ta duna aya.
Atardi señor Szabó tin kòmbersashon konsekutivo ku representantenan di Curoil i Tourism Corporation Bonaire i despues e ta bai Klein Boneiru ku boto bou di guia di STINAPA, e fundashon ku ta responsabel pa maneho di e parkenan nashonal na Boneiru. E ta klousurá e dia ku un kòmbersashon ku presidente di mesa di klima.
Djárason 28 di mei
Sekretario di estado Szabó ta kuminsá e mainta ku un bishita na e kasnan di katibu blanku bou di guia di FuHiKuBo. E fundashon akí ta okupá su mes ku historia kultural históriko di Boneiru. Despues e ta pasa na Bonaire International Airport i ta klousurá e mainta ku un bishita serka arkitekto di paisahe Complete Landscaping Services Bonaire.
E atardi ta kuminsá ku un kòmbersashon tokante kualidat komo empresario hóben na Kámara di Komersio. Despues e sekretario di estado ta bishitá un sitio di konstrukshon i e ta papia ku representantenan di Vereniging Bouwend Bonaire. Ta klousurá e bishita di trabou ku un konferensia di prensa konhunto di sekretario di estado i gezaghèber di Boneiru.