Na novèmber, personanan ku fiansa di estudio na DUO lo risibí un notifikashon tokante nan pagonan mensual pa 2026. Pa algun, e montante aki por ta mas abou si nan informá DUO di nan entrada. No ta tur hende ta na altura di esaki. Pa e motibu aki, DUO lo bishitá Boneiru di 17 pa 21 di novèmber, Aruba di 24 di novèmber pa 5 di desèmber, i Sint Maarten di 8 pa 12 di desèmber. DUO lo habri ofisinanan di servisio temporal i duna informashon. E ofisina di servisio na Kòrsou lo ta habri pa un periodo mas largu.
Indiká EntradaAlgun èks-studiante ta paga bèk mas ku ta nesesario. Hopi bia no ta konta nan entrada den e kalkulashon. Esnan ku ta duna informashon, hopi biaha por haña un pago mensual mas abou. Tin bia, nan no mester paga nada mes. Monique Hoogerwerf (kordinadó di Karibe) ta agregá:
"Nos ta mira ku mas ku mitar di e personanan ku ta raportá nan entrada no mester paga nada bek despues. Esaki ta duna nan mas espasio finansiero pa otro kosnan i ta redusí nan strès.”
Generalmente bo mes por indiká esaki
Pa un parti grandi di èks-studiantenan di Hulanda Karibense i Kòrsou, DUO ta risibí informashon di entrada for di ofisina di impuesto. Sinembargo, na momento pidi e informashon aki, hopi bia e no ta disponibel ainda. Den e kasonan aki, ta importante pa e hendenan mes raportá nan entrada. Na Aruba i Sint Maarten, DUO no por pidi informashon di entrada na ofisina di impuesto, i èks-studiantenan mes semper mester raportá nan entrada.
Informashon pa pagadónan i futuro studiantenan
Na Aruba, DUO ta organisá un enkuentro di informashon pa èks-studiantenan ku tin debe di estudio. Banda di esaki DUO, den kolaborashon ku Nederlandse hogescholen, ta duna informashon na Aruba, Boneiru, Kòrsou, Sint Maarten, Saba, i Sint Eustatius pa studiantenan ku tin pensa di bai studia na Hulanda. Tambe un kantidat distudiante Karibense ku ya ta biba na Hulanda lo kompartí nan eksperensianan. Esaki lo duna futuro studiante i nan mayornan un bon bista di kiko studia na Hulanda ta enserá i kua ta e preparashonnan nesesario pa un komienso eksitoso.
Ofisinanan di servisio temporal
Kualke persona ku mester di asistensia ora ta apliká pa un redukshon di nan pago mensual por tuma kontakto ku e ofisina di servisio temporal ku DUO ta habri na Boneiru, Aruba i Sint Maarten. Pa esaki un deklarashon di entrada di 2023 òf 2024 di ofisina di impuesto ta nesesario. Tambe e personal lo ta disponibel pa kontestá otro preguntanan tokante pagamentu di fiansa di studiante òf dunamentu di asistensia ku pago atrasá. Studiantenan i nan mayornan naturalmente ta bon bini ku nan preguntanan tambe.
Mas informashon
Por haña mas informashon tokante e ofisinanan di servisio i reunionnan di informashon na duo.nl/bezoekcariben.