Entrante 11 di novèmber tur habitante ta risibí un number di servisio pa siudadano personal (BSN). Durante e simannan pa buska BSN tur hende por buska e karta di BSN. E BSN ta un number úniko i personal ku tur hende ta haña for di awor, di manera ku den futuro tambe por hasi uso di esaki pa regla asuntunan ònlain ku gobièrnu. Introdukshon di BSN ta un di e promé pasonan pa un mihó servisio gubernamental.
Simannan pa buska BSN
E simannan pa buska BSN ta di 11 di novèmber te ku 4 di desèmber. Durante di e simannan pa buska BSN tur hende por buska e karta di BSN sin sita. Pa por duna un mihó servisio, e Entidatnan Públiko ta pone empleado adishonal disponibel durante e simannan aki. Despues di e simannan pa buska BSN, semper por hasi petishon pa e BSN na Registro Sivil. Bo tin un BSN kaba? E ora ei bo ta mantené e mesun number.
Identifikashon bálido ta obligá
Pa buska bo karta di BSN bo mester bini ku un identifikashon bálido, manera bo sédula, pasport òf reibeweis. Bo tin yu menor di 16 aña? Mayor i kuidadó di un mucha menor di 16 aña por buska e karta di BSN di e yu. Warda e BSN bon i no kompartié sin mas ku otronan.
Lokalidat i orario pa buska BSN
Na Boneiru bo por buska bo karta di BSN sin sita di djaluna te ku djaweps na un di e siguiente lokalidatnan:
- Ofisina di Direktorado di Komunidat i Kuido (OLB), Kaya Neerlandia #41, di 8’or di mainta pa 3’or di atardi
- Sociedat San Antonio de Padua, Kaya Rincon #66, di 9’or di mainta pa 12’or di mèrdia
Pa mas informashon tokante e simannan pa buska BSN na Boneiru bishitá Openbaar Lichaam Bonaire: Simannan pa buska BSN.
Na Sint Eustatius bo por buska bo karta di BSN sin sita na Registro Sivil:
- Entidat Públiko Sint Eustatius, Chapel piece road #1
Djaluna, Djamars & Djaweps: 7:30 di mainta – 3:30 di atardi
Djárason & Djabièrnè: 7:30 di mainta – 12:00 di mèrdia
Pa mas informashon tokante e simannan pa buska BSN na Sint Eustatius bishitá Openbaar Lichaam Sint Eustatius: BSN Pick Up Weeks.
Na Saba bo por buska bo karta di BSN sin sita na Registro Sivil:
- Entidat Públiko Saba, Power Street #1, The Bottom
Djaluna – Djaweps: 08:30 – 11:30 di mainta i 1:15 di mèrdia – 4’or di atardi
Djabièrnè: 08:30 – 11:00 di mainta
Pa mas informashon tokante e simannan pa buska BSN na Saba bishitá BSN Pick-up Weeks | Public Entity Saba.