De Nederlandsche Bank (DNB) a kuminsá ku un kampaña públiko pa duna mas publisidat na e Garantia di depósito Hulanda Karibense: un areglo di garantia pa garantisá saldo bankario te ku $25.000 den kaso ku banko bai fayit.
Garantia di depósito
Si ta trata di un kuenta di débito, spar òf depósito de término, priva òf komersial: danki na e garantia di depósito e sèn aki ta protehá outomátikamente den kaso ku e banko a bai fayit. No tin mester di hasi nada pa esaki.
Garantia di depósito Hulanda Karibense ta garantisá for di 1 dòler sèn te un máksimo di 25.000 dòler pa persona, pa banko. Bo tin kuenta na diferente banko? E ora ei na kada banko bo ta protehá te ku máksimo di 25.000 dòler. E garantia ta konta pa kada banko ku un lisensia pa Hulanda Karibense i De Nederlandsche Bank (DNB) ta ehekutá esaki.
Kampaña DNB
Pa duna mas publisidat na e Garantia di depósito Hulanda Karibense, DNB den kolaborashon ku Rijksdienst Caribisch Nederland (RCN) a inisiá un kampaña di informashon.
E mensahe prinsipal ta:
"Bo sèn ta protehá di 1 dòler sèn te un máksimo di 25.000 dòler, sin mester hasi algu pa esaki."
E meta di e kampaña ta pa trese trankilidat bou di siudadano- i empresarionan na Boneiru, Sint Eustatius i Saba: nan kuenta i sèn (di spar) ta seif na kada banko ku ta registrá riba e islanan.
Pa mas informashon, bishitá: www.dnb.nl/caribisch-nederland/depositogarantie-caribisch-nederland