Judith Tielen, sekretario di estado pa Hubentut, Prevenshon i Deporte ta e siman aki na Boneiru, Sint Maarten i Kòrsou pa bishita di trabou, kombersashon i ‘Special Olympic Kingdom Games’.
Na boneiru (19 di novèmber) kuido pa henter Hulanda Karibense ta pará sentral. Atenshon spesial ta bai na hende muhé i hóben ku bishita na entre otro hòspital Fundashon Mariadal, RIVM pa e skrinen di poblashon, kuido di dòkter di kas i ‘Stichting Jeugdwerk Jong Bonaire’.
Na Sint maarten 20 i 21 di novèmber Tielen ta partisipá na e ‘vierlandenoverleg’ di salubridat públiko di Reino. E kombersashonnan ta bai entre otro tokante mihó kolaborashon riba tereno di kuido di salú mental obligátorio.
Na Kòrsou (21 i 22 di novèmber) ta habri e torneo di deporte pa personanan mentalmente desabilitá for di tur parti di Reino ‘Special Olympic Kingdom Games’ riba djabièrnè 21 di nòvember.
Traha ku koleganan Karibense
Sekretario di estado Tielen:
"Durante último añanan mi a sintimi komprometé ku e kuido den e parti karibense di Reino. Awor komo miembro di Gobièrnu mi por kuminsá traha realmente ku algun kolega di Karibe. Asina nos a traha huntu kaba riba e tema di salú di hende muhé durante e reunion general di Nashonnan Uni na New York na sèptember último. I huntunos ta traha na un manera práktiko pa lugánan di rekreá pa mucha na Saba i Statia.
Tur kaminda ku mi bai, mi ta pidi atenshon pa e echo ku hende muhéta biba menos den bon salú ku hende hòmber i esei tambe mi ta hasi durante di mi bishita na Hulanda Karibense. Mi ta ansioso pa traha huntu ku koleganan Karibense pa wak e posibilidatnan pa redusí e diferensia den salú di hende muhé i hende hòmber. Paso bai dilanti den bida ta kuminsá ku un bon salú: físiko, mental i sosial. Si hende muhé keda tras, e no ta afektá solamente nan mes, sino tambe e sosiedat i ekonomia di Hulanda Karibense."