Durante e siman kontra maltrato di mucha di 17 te ku 21 di novèmber, Kuido i Hubentut Hulanda Karibense (ZJCN) ta organisá un kampaña i aktividatnan huntu ku su parternan: Entidat Publìko Boneiru (OLB), Sentro Akseso Boneiru, ZW-groep, Voogdijraad i Expertisecenter Onderwijs Zorg (EOZ).
Tema
Anualmente, nan ta pidi atenshon pa diferente tema riba tereno di violensia doméstiko i maltrato di mucha. Pa medio di diferente aktividat, programa di bista i kombersashon aksesibel ku siudadanonan, nan ta trata pa oumentá e konsientisashon. E tema di e aña aki ta "Mi kurpa, Mi Bos" i ta focus riba abusu seksual, tabú ku tin den komunidat i kon huntu nos por kibra esakinan.
Aktividatnan
E siman kontra maltrato di mucha a inisiá ku un evento di nètwèrk, kaminda profeshonalnan a bini huntu pa bai dialogá riba temanan sentral. Ademas, lo tin un bishita spesial di Jandino Asporaat, ku lo ta e oradó invitá pa dirigí e kombersashon i invitá e partisipantenan pa un diálogo habri.
Djasabra 22 di novèmber, lo bai tin un tour ku bùs den diferente bario. E bùs, ku bo por rekonosé na e banderá di ZJCN, ta invitá tur siudadano pa bin hiba kombersashon básiko i hasi pregunta riba e tema importante aki.
Pa mas informashon tokante maltrato di muchanan i violensia doméstiko, bishitá www.meldpuntguiami.com.