Mundialmente, luna di òktober ta dediká na kanser na pechu. Nos di Bevolkingsonderzoek Caribisch Nederland tambe ta para ketu na e impakto ku kanser na pechu tin riba nos komunidat. Nos ta kòrda riba tur hende ku ta luchando, ku a lucha, òf ku a pèrdè un persona debí na e enfermedat aki.
Imágen: © RIVM
Inisiativanan pa luna di kanser na pechu 2025
Den kuadro di e luna di kanser na pechu ta organisá diferente aktividat:
- Djabièrnè 17 di òktober
Komo señal di sosten i konsientisashon, riba djabièrnè 17 di òktober nos tur huntu lo bisti algu ros: e koló pa e lucha kontra di kanser na pechu. Bo tambe ta partisipá? - Djárason 22 di òktober
Den kolaborashon ku Fundashon Mariadal, djárason 22 di òktober nos ta organisá un ‘walk-in’ spesial pa hende muhé entre 50 i 75 aña. Di 8or di mainta pa 12or di mèrdia tur hende muhé ta bonbiní pa pasa sin sita pa un mamografia (radiografia di e pechunan). - Djabièrnè 31 di òktober
Nos ta klousurá e luna ku un anochi dushi í informativo riba djabièrnè 31 di òktober, di 6or di atardi pa 9or di anochi. Durante e enkuentro aki, den un ambiente informal nos lo duna informashon tokante e skrinen di poblashon pa kanser na pechu. Lo kombiná e anochi ku e wega popular “Bon ku ne”. Plaser i konsientisashon ta kana man den man!
Pa e enkuentro di djabièrnè 31 di òktober bo por registrá serka nos. Lo kompartí e lokalidat i detaye di e enkuentro ku bo despues di registrashon. Registrashon ta posibel te ku 26 di òktober.
Pregunta òf registrashon
Bo tin pregunta òf bo ke registrá bo mes? No duda e ora ei pa tuma kontakto; esei ta posibel via telefòn (+599) 715 9200, via WhatsApp (+599) 781 0476, òf dor di manda un meil na screeningCN@rivm.nl
Pa mas informashon tokante nos skrinen di poblashon, por fabor konsultá nos wèpsait: www.screening-cn.com.