Riba djaweps 16 di òktober Rijksdienst Caribisch Nederland (RCN), ku Entidat Públiko Boneiru (OLB) i Entidat Públiko Sint Eustatius (OLE), ta organisá un enkuentro pa provedornan.
Durante e enkuentro ku provedornan RCN, OLB i OLE huntu ta presentá nan plan i manera di traha riba tereno di kompra i destaho.
E enkuentro ta ofresé empresario lokal oportunidat pa:
- Skucha kua produkto i servisio gobièrnu lo bai hasi kompra di dje den e temporada benidero;
- Haña un bista di e regla-, prosedura- i espektativanan ora ta trata di destaho;
- Kontakto direkto ku representantenan di RCN, OLB i OLE tokante kolaborashon, oportunidat i problemanan.
E dia ta bai ta interaktivo – ku espasio pa pregunta, idea i sera konosí ku diferente tim di kompra.
Asina nos ta traha huntu na un base di provedor fuerte, konfiabel i lokal pa Hulanda Karibense i un mihó kolaborashon entre nos.
Kompania por registrá via e adrès di meil sue-eva.eybrecht2@rijksdienstcn.com.
Fecha: 16 di òktober 2025
Orario: 12:30 or di mèrdia – 6 or di atardi, bòrel for di 5 or di atardi
Lugá: Corallium Hotel