Entrante promé di yanüari 2026, ta ampliá e lei di ferlòf na Hulanda Karibense pa inkluí ferlòf di kalamidat (calamiteitenverlof) i ferlòf di kuido ku durashon kòrtiku (kortdurend zorgverlof). Esaki ta nifiká ku empleado ta bai haña mas derecho i dunadó di trabou ta bai haña su mes konfrontá ku mas obligashon i kambio práktiko.
Ferlòf di kalamidat (calamiteitenverlof)
Por hasi un petishon riba ferlòf di emergensia ora bo mester di tempu liber pa resolvé un situashon privá, ku ta urgente i imprevisto. E durashon di e ferlòf ta dependé di e kaso. Bo ta sigui risibí bo salario durante e ferlòf aki.
Ferlòf di kuido ku durashon kòrtiku (kortdurend zorgverlof)
Por usa ferlòf di kuido ku durashon kòrtiku ora ku un hende den bo besindario ta malu i mester di kuido i abo ta, konsiderando e sirkunstansianan, e úniko hende ku por duna e kuido aki. Durante e ferlòf di kuido ku durashon kòrtiku e dunadó di trabou no ta obligá pa sigui paga bo salario.
Seshon di informashon grátis
Pa prepará empleado, dunadó di trabou i ofisina di atministrashon pa e kambionan ku ta na kaminda, e unidat SZW di RCN, denter di poko ta bai organisá seshonnan di informashon grátis. Durante e seshonnan ta bai amplia riba:
- Ki tipo di ferlòf lo bai drenta na vigor for di promé di yanüari 2026
- Kiko esaki ta nifiká pa empleado, dunadó di trabou i proseso di HR
E seshonnan ta tuma lugá na Boneiru di 27 te ku 30 di òktober:
Lokalidat: Divi Flamingo
Dunadó di trabou
| 27 di òktober | 14:00-15:00 | Papiamentu |
| 15:15-16:15 | Spañó | |
| 29 di òktober | 14:00-15:00 | Hulandes |
| 15:15-16:15 | Ingles |
Empleado
| 28 di òktober | 17:00-18:00 | Papiamentu |
| 18:15-19:15 | Spañó | |
| 30 di òktober | 17:00-18:00 | Hulandes |
| 18:15-19:15 | Ingles |
Registrashon
Pa registrá pa un seshonnan di informashon, por fabor manda un meil na LD.szw@RijksdienstCN.com òf un mensahe via di WhatsApp na +599 795 4537.
Na momentu di registrashon, por fabor indiká bo organisashon, e fecha i e idioma di preferensia di e seshon.