Riba djárason 29 di òktober 2025 por vota pa elekshon di Tweede Kamer. Pa di promé biaha tin un ayudo elektoral pa votadónan disponibel ku ta duna atenshon spesífiko na Hulanda Karibense. E Kieskompas Hulanda Karibense ta konsistí di 25 ponensia general, komplementá ku 5 ponensia spesífikamente relashoná ku Boneiru, Sint Eustatius i Saba.
Ayudo elektoral
Pa komprondé kua ta e diferente plannan di e partidonan polítiko, votadópor hasi uzo di un ayudo elektoral. Esaki ta un instrumento pa wak ki punto di bista partidonan tin. E votadó mes mester kontestá pregunta tokante temanan polítiko i despues wak unda nan ta pará kompará ku e partidonan polítiko.
Ponensianan Hulanda Karibense
Generalmente ora tin elekshon nashonal tin poko atenshon pa temanan lokal, miéntras ku hopi bia hustamente esakinan ta importante pa e votadó. E ponensianan ku a añadí na e Kieskompas Hulanda Karibense ta konserní temanan lokal, manera representashon di Hulanda Karibense den Tweede Kamer, suèldu mínimo na Hulanda Karibense i kon ta atendé ku efektonan di kambio di klima riba nos islanan.
Ora ku kontestá e ponensianan, votadónan por kompará nan ponensia ku esnan di e partidonan polítiko.
Kieskompas
Kieskompas ta un ayudo elektoral kaminda despues di 30 ponensia bo ta haña un bista di e panorama polítiko, e grafik ku dos as ku posishon di e diferente partidonan polítiko. Ta kontrolá tur punto di bista di e partidonan polítiko a base di dokumentonan ofisial di e partido. Asina ta garantisá konfiabilidat di e Kieskompas.
Bishitá Kieskompas Hulanda Karibense: