Entrante 11 di novèmber tur habitante di Boneiru, Sint Eustatius i Saba ta risibí un number di servisio pa siudadano personal (BSN).
Durante e simannan pa rekohé BSN por pasa sin sita na e lokalidatnan designá pa buska e karta di BSN . E simannan pa rekohe BSN ta di 11 di novèmber pa 4 di dezèmber. Pa por duna un mihó servisio lo pone empleado adishonal disponibel durante e simannan. Despues di e simannan pa rekohé BSN, semper por hasi petishon pa e BSN na Registro Sivil.
BSN ta un number úniko i personal ku tur hende ta haña for di awor, di manera ku den futuro tambe por hasi uso di esaki pa regla asuntunan ònlain ku gobièrnu. Ku introdukshon di BSN ta promé paso pa un mihó servisio gubernamental. Warda e BSN bon i no kompartié sin mas ku otronan.
Pa mas informashon tokante e lokalidatnan i orario pa rekohé BSN, bishitá wèpsait di bo entidat públiko.
