Konseho di Minister di Reino i Konseho di Minister awe a bai di akuerdo ku nombramentu di Hans Hoogervorst komo presidente di e tres Kolegionan supervishon finansiero. Señor Hoogervorst ta sigui Lidewijde Ongering kende entrante 1 di febrüari ta stòp komo presidente.
Ku e nombramentu di parti di Konseho di minister (di Reino), señor Hoogervorst ta bira entrante 1 di febrüari e presidente nobo di Cft Kòrsou i Sint Maarten, Kolegio Aruba supervishon finansiero i Cft Boneiru, Sint Eustatius i Saba. Hans Hoogervorst desde 2022 ta miembro di e tres (3) kolegionan representando Hulanda. Hoogervorst tabata sekretario di estado i minister den diferente gabinete hulandes. Despues di su karera polítiko e tabata presidente di Outoridat Merkado Finansiero i di International Accounting Standards Board.
Eddie van Marum, sekretario di estado di Asuntunan Interno i Relashon di Reino tokante e nombramentu:
“Señor Hoogervorst, ya tin un trayektoria sólido komo miembro di e Kolegionan supervishon finansiero. E ta un ekselente susesor di señora Ongering kende desde febrüari 2023 a ehersé e funshon akí ku gran profeshonalismo. Finansa públiko sano ta e base pa hasi invershonnan ku mester kondusí na un mihó bida pa habitante di tur e islanan. Na nòmber di Konseho di Minister (di Reino) mi ta gradisí presidente saliente señora Ongering pa su gran kompromiso i esfuerso pa e partinan karibense di Reino.”
Hans Hoogervorst:
“Bou di guia di Lidewijde Ongering, nos komo kolegioa dal pasonan importante den direkshon di diálogo fortifiká i mehorashonstruktural na e pais- (islanan).” Hoogervorst ta bisa ku e lo sigui e mes rumbo ku Ongering a skohe: “Mi ta spera un kolaborashon fruktífero ku e diferente pais- (islanan).”
E kolegionan supervishon finansiero ta independiente i ta vigilá solides di finansa públiko di e paisnan Kòrsou, Sint Maarten i Aruba i di e entidatnanpúbliko Boneiru, Sint Eustatius i Saba. E kolegionan tin un papel di señalá i konsehá.