E promé periodo di aplikashon pa e Areglo di supsidio pa inisiativa sosial pasado di sklabitut transatlántiko pa e parti karibense di Reino nobo ta habri awe.
Fundashon- i organisashonnan, durante e promé periodo di aplikashon, por apliká pa un supsidio pa profeshonalisá nan organisashon (kategoria 1). Por hasi esaki pa medio di
- un estudio, entrenamentu òf kurso pa miembronan di direktiva òf kolaboradónan di nan organisashon, i/òf;
- Laga traha òf mehorá nan wèpsait pa asina amplia alkanse di nan proyektonan.
E montante di e supsidio pa e promé periodo pa e parti karibense di Reino ta un suma fiho di $10,000.
Diskulpanan
E areglo di supsidio ta un di e akshonnan relashoná ku e diskulpanan pa e pasado di sklabitut hulandes, ku promé minister a pidi riba 19 di desèmber 2022. Pa e areglo di supsidio tin un presupuesto di mas di €29.3 mion disponibel pa e parti karibense di Reino.
Total tin 8 periodo di aplikashon pa kuater diferente supsidio, repartí riba tres aña, den kua organisashonnan por pidi supsidio pa proyekto ku ta kontribuí na konsientisashon, rekonosementu i konmemorashon i un mihó komprenshon di e influensia di e pasado di sklabitut i su prosesamentu. Un siguiente periodo pa entregá petishon pa proyektonan entre $10.000 i $25.000 (kategoria 2) ta habri riba 1 di desèmber 2025, 09:00 or CET i ta sera riba 12 di yanüari 2026, 17:00 or CET.
Mas informashon
Pa e parti karibense di Reino a traha un wèpsait speshal, Legacy to Future Funds. Aki riba tin informashon tokante e areglo di supsidio i un konekshon ku e wèpsait di Uitvoering Van Beleid (UVB) di Ministerio di Asuntunan Sosial i Empleo ku ta ehekutá e areglo. Por entregá un petishon pa supsidio via e portal di supsidio di UVB. Informashon tokante e areglo i registrashon riba e portal di aplikashon ta disponibel na papiamentu, papiamento, ingles i hulandes. Ademas por skohe pa e proseso di aplikashon entre komunikashon na hulandes òf ingles.