Riba djaluna promé di sèptèmber e ofisina di P-Direkt na Boneiru a kumpli dies aña. Esaki e organisashon a selebrá ku un seremonia festivo pa tur empleado i invitado.
Selebrashon di hubileo
Selebrashon di e hubileo ta dediká na apresio pa empleado. Durante di e seremonia ofisial dia promé di sèptèmber, vários orador a indiká kon kontentu nan ta ku kresementu di e tim; no solamente e kantidat di empleado, pero tambe den desaroyo. Ademas nan a ekspresá orguyo di e profeshonalismo kon ta duna servisio i e bon kolaborashon den e tim.
E selebrashon di hubileo ta dura un siman, kaminda ku a organisá diferente aktividat pa e empleadonan. Ta kulminá e hubileo djabièrnè 5 di sèptèmber ku un klousura festivo.
Ken nos ta?
P-Direkt ta un dunadó di servisio di HR (Rekurso Humano) di Gobièrnu Sentral na Hulanda ku filial na Den Haag, Zwolle i awor pa 10 aña na Boneiru tambe. E organisashon ta ofresé un pakete amplio di servisio na mas ku 140.000 empleado di e ministerionan i otro organisashonnan gubernamental riba tereno di HR (Rekurso humano) i ICT.
Lokalidat Boneiru
E ofisina na Boneiru ta atendé ku tur aspekto di atministrashon personal i di salario, di prosesamentu di deklarashon (di biahe) te ku prosesamentu di salario. Ku 35 empleado (esaki ta inkluso 2 lider di tim i un hefe di departamentu) na Boneiru, nan ta ofresé servisio ku ta flèksibel i P-Direkt ta sòru pa su ámtenarnan na Hulanda ta disponibel den oranan di anochi tambe; via chat, meil i telefòn.
Imágen: © P-Direkt