Direktor general di Salubridat Publiko di e Ministerio di Salubridat Públiko, Bienestar i Deporte (VWS) Marjolijn Sonnema, a hasi un bishita siman pasá na Medicair, e proveedor di e ambulans aéreo pa Hulanda Karibense. Durante di e bishita, el a risibí splikashon tokante e uso di e avion ku ta hasi buelo di emergensia médiko pa aseguradonan na Hulanda Karibense. Tambe el a enfatisá e importansia di e kalidat di eambulans aéreo , ku Medicair a traha intensivamente riba dje den e lunanan ku a pasa.
Na aprel 2025, Kuido i Hubentut Hulanda Karibense (ZJCN) a sera un kontrakt di dos aña ku Medicair. E kompania ta prinsipalmente responsabel pa ehukushon di e ambulans aéreo pa Hulanda Karibense. Pa kontinuidat di e servisio, Medicair, banda di Sarpa, tin tambe Colcharter disponibel komo back-up. Por usa tur dos proveedor ora esei ta nesesario.
Ademas, Medicair ta trahando pa usa un di dos avion. Ku esaki, por reakshoná mas rápido riba multiple petishonnan na mesun momento òf durante mantenshon di e avion prinsipal.
ZJCN ta traha estrechamente ku Fundashon Mariadal pa garantisá un proseso bon organisá rondó di e ambulans aéreo pa e residentenan di Hulanda Karibense.