Dia 3 di òktober 2025, Plenchi di Trabou ta organisá e feria di karera “Feria di Karera” na Jong Bonaire pa buskadó di trabou, profeshonal yòn, starter, i empleado ku ta kla pa un reto nobo.
E Feria di Karera ta ofresé oportunidat pa tur hende di 18 aña bai ariba: for di introdukshon kòrtiku ku dunadó di trabou potensial te na vishon nobo pa desaroyo i inspirashon profeshonal. Plenchi di Trabou ta komprometé pa hasi e merkado laboral mas aksesibel pa tur hende ku ke traha.
Introdukshon di Dunadó di Trabou
Bo ke sa kon ta pa traha pa gobièrnu? Òf kisas bo tin e aspirashon pa traha den un otro sektor? Durante di e “Feria di Karera”, lo bo tin e oportunidat pa personalmente papia ku dunadónan di trabou di vários sektor. Hasi bo preguntanan òf introdusí bo mes, i eksplorá e posibilidatnan huntu. Si bo logra konektá? E ora ei lo hasi un siguiente sita mesora. E ta un oportunidat fasil i úniko pa presentá bo mes na kompanianan ku ta buska talento nobo di forma aktivo.
Tayer i inspirashon
Banda di sera konosí, ta ofresé tambe tayernan interaktivo grátis ku bo por partisipá na dje durante di e “Feria di Karera.” Lo kubri tópikonan manera desaroyo personal, entrenamentu pa aplikashon pa trabou, i eskohonan di karera. Tambe lo tin presentashonnan inspirativo ku ta enfoká riba tópikonan aktual relashoná ku trabou i desaroyo profeshonal na Boneiru. Bishitantenan lo tin e oportunidat pa hasi pregunta i hiba un kòmbersashon ku profeshonalnan di vários sektor.
Hasiendo konekshonnan nobo
Na final di dia, lo tin músika, algu pa bebe i tempu pa kòmbersá ku otro.
Un bista di tur tayer- i seshonnan ta disponibel riba e wèpsait i página di Facebook. Bo ke inskribí pa un tayer òf seshon di ‘speed dating’? Bishitá e página di Facebook Plenchi di Trabou òf manda un mensahe ku bo nòmber, informashon di kontakto, i e aktividat ku bo ta inskribí p'e
3 di òktober 2025 Plenchi di Trabou ta organisá e feria di karera