Bai directamente na kontenido

Ahuste di e Garantia di depósito pa Hulanda Karibense

Notisia | 06-01-2025 | 20:32

Riba 1 di yanüari 2025 a ahustá e garantia di depósito riba tres punto: e suma di kobertura, vensementu di e kriterio di residensia i konstrukshon di un fondo pa finansiá e garantia di depósito.

Depositogarantie

Na 2017 a introdusí Garantia di depósito pa Hulanda Karibense (DGS BES). Na momentu di introdukshon a palabrá pa evaluá e garantia di depósito despues di algun aña. E konklushon tabata ku DGS BES, manera ku e ta hinká den otro aktualmente, no ta kontribuí sufisientemente pa fortifiká stabilidat finansiero i protekshon di konsumidó. P’esei a ahust’é riba tres punto.

Ahustenan

A ahustá DGS BES riba tres punto:

  1. Ta oumentá e suma di kobertura máksimo di USD 10.000 na USD 25.000. Esei ta nifiká ku ta protehá mas doño di kuenta. Ku e suma di maksimal USD 25.000 mas di 90% di e doñonan di kuenta ta risibí tur nan plaka bèk. E porsentahe ei ta komparabel ku e parti oropeo di Hulanda. Ku esaki e garantia ta kumpli ku e normanan internashonal, ku International Association of Deposit Insurers (IADI) ta preskribí.
  2. Ta kita e kriterio di residensia. DGS BES ta protehá pues tur doño di kuenta di banko na Hulanda Karibense, sin importá nan lugá di biba, di permanensia òf di establesimentu.
  3. Finansiamentu di e garantia di depósito ta kambia. Bankonan ta bai kontribuí di antemano na konstrukshon di un fondo.

Garantia di depósito

De Nederlandsche Bank (DNB) ta implementá e garantia di depósito pa Hulanda Karibense. Garantia di depósito ta un protekshon grátis ku kua, si algu por sosodé ku un banko, ta protehá e saldonan (di spar) di e klientenan di un banko outomátikamente di 1 sèn di dòler te maksimal 25.000 USD. 

Un depósito ta un plaka ku ta mantené riba kuentanan bankario manera kuenta koriente, kuenta di spar i depósitonan riba término. Si un banko ku ta kai bou di e efekto di protekshon di e garantia di depósito bai fayit, De Nederlandsche Bank lo ofresé un kompensashon na e doñonan di kuenta ku ta bin na remarke pa garantia di depósito. 

E protekshon ta konta pa persona òf empresa (no pa kada kuenta), pa banko (ku un pèrmit di De Nederlandsche Bank).

Mas informashon

Si bo tin pregunta tokante garantia di depósito pa Hulanda Karibense òf mester di mas informashon, bo por haña esaki riba www.dnb.nl/caribisch-nederland, òf bo por manda un meil pa òf yama Ofisina di Informashon Públiko di De Nederlandsche Bank (na hulandes i ingles).

Wèpsait: www.dnb.nl/caribisch-nederland
Meil: info@dnb.nl


Ofisina di Informashon Públiko ta keda na Amsterdam, Hulanda. For di Hulanda Karibense por yama riba dianan di trabou entre 9 or di mainta i 5or di atardi (Ora di Oropa Sentral/ora di zomer di Oropa Sentral) riba +31 20 524 91 11 (number internashonal).