Dia Habrí Skrinen di poblashon Hulanda Karibense
Durante e luna aki nos ke pone atenshon na e importansia di skrinen. Nos ke hasi e skrinen mas aksesibel pa dama entre 30 pa 60 aña.
Ta p’esei djárason 15 di yanüari 2025, skrinen di poblashon Hulanda Karibense ta organisá un Dia Habrí na Fundashon Mariadal den kuadro di skrinen di kanser na boka di matris. Bo tin entre 30 pa 60 aña i no a yega di partisipá na e skrinen di poblashon? Bo tin pregunta òf bo ta duda? Bishitá nos na e Dia Habrí na Fundashon Mariadal.
Profeshonalnan di kuido lo ta presente entre 8 or di mainta pa 12 or di mèrdia pará kla pa informá bo di nos programanan di skrinen, bentaha di salú, importansia di partisipashon i di e proseso di skrinen. Ta posibel pa traha un sita pa hasi un pap-tèst.
Nos ta enkurashá tur dama entre 30 i 60 aña pa pasa durante e dia habrí pa hasi pregunta i tambe kompartí eksperensia.
Bo tin pregunta òf bo ke inskribí pa un skrinen, bèl +599 7159200 òf Whatsapp +599 7810476. Bishitá nos wèpsait, www.screening-CN.com, pa mas informashon i sigui nos riba nos página di facebook i Instagram: ScreeningCN.