Petishon pa fasilidatnan personalisá pa personanan ku ta biba na kas entrante 2025 via di Sentro Akseso
Habitantenan di Boneiru ku ta biba independiente na kas, pero debí na malesa òf defisiensia síkiko no por partisipá na fasilidatnan general, por akudí entrante 1 di yanüari 2025 na Lokèt Aksesibel di Sentro Akseso pa nan fasilidat personalisá. Fasilidatnan personalisá ta por ehèmpel pasadia, ayudo na kas, suministro di kuminda òf artefaktonan di ayudo médiko. Te ku 2024 e petishon akí tabata bai via di e lokèt BCO di ZW-groep.
Ret sosial promé
No ta tur hende ku ta biba na kas ku i tin un defisiensia ta bini na remarke outomátikamente. Ta wak entre otro e ret sosial promé ku un persona tin. No ta logra pa manehá e kas independientemente? E ora ei ta ferwagt ku e ret sosial ta duna un man. Na momentu ku no logra esaki sufisientemente òf si un persona no tin un ret sosial, por kuminsá pensa riba un fasilidat personalisá.
E derecho riba fasilidatnan ta ankrá
Antes e dunadó di kuido tabata disidí si un persona ta risibí ayudo. Entrante 2025 tin otro reglanan legal na vigor. Sentro Akseso i Kuido i Hubentut Hulanda Karibense (ZJCN) ta evaluá si un petishon ta kumpli ku e reglanan akí. Si esei ta e kaso, e petishonario tin derechi riba e fasilidat. Esaki ta pèrkurá pa mas klaridat i garantia.
Dikon e areglo nobo akí?
E areglo ta yuda personanan ku un malesa òf defisiensia pa keda biba independiente mas largu. Ta trata di asistensia den bida diario, manera ayudo na kas òf instrumento di ayudo. Asina por ehèmpel personanan por keda biba mas largu na kas, mantené nan kontaktonan sosial i keda aktivo. Esaki ta redusí e preshon riba institutonan di kuido tambe.
Kon pa apliká?
Entrante 2025 habitantenan por hasi un petishon na Lokèt Aksesibel di Sentro Akseso. Por hasi esaki telefónikamente, online òf personal. Empleadonan ta yuda pa yena e petishon. Sentro Akseso i ZJCN ta evaluá esaki. Denter di un periodo palabrá e petishonario ta tende si ta konsedé e ayudo.
Kontakto
Lokèt Aksesibel
Kaya Princes Marie 7
Kralendijk
Yama: +599 717 7300
Whatsapp: +599 701 5292
meil: aanmelding@aksesobon.com
Orario di konsulta:
- Djaluna 8:00 – 11:00
- Djamars 8:00 - 11:00
- Djárason 13:00 –16:00
- Djaweps 8:00 – 11:00
- Djabièrnè Solamente segun sita