Minister di Hustisia i Siguridat a bishitá BKCN na Boneiru
Minister di Hustisia i Siguridat, David van Weel, resientemente a hasi un bishita di trabou na Kuerpo di Bombero Hulanda Karibense (BKCN) na Boneiru. E minister a konosé e kuerpo i a haña un bista riba e reto- i desaroyonan ku brantwer ta hañ’é konfrontá kuné riba e islanan.
Durante e rekorido den kazèrne, e minister a presensiá un demostrashon di ayudo di emergensia i a haña un presentashon tokante e tareanan prinsipal i aktividatnan di e kuerpo. Tambe el a kombersá ku e bomberonan durante seshon di mesa rondó. Aki nan a kompartí nan eksperensia- i ideanan tokante nan trabou i e kondishonnan di trabou.
Minister Van Weel a ekspresá su apresio pa e profeshonalismo i dedikashon di e kuerpo. El a pone énfasis riba e importansia di nan trabou pa e siguridat riba e islanan i a balorá e oportunidat pa ta den kontakto personalmente ku e personal di brantwer.
BKCN ta gradisí Minister Van Weel pa su bishita i enbolbimentu. E kuerpo ta sigui komprometé su mes pa e siguridat di tur habitante i bishitante di Boneiru, Sint Eustatius i Saba.