Kòntròl multidisiplinario kontra ‘ondermijning’ dor di asosiashon di kolaborashon di RIEC CN
Djamars 28 di yanüari 2025 den oranan di mainta, kòntròl multidisiplinario di ‘ondermijning’ a tuma lugá na 2 diferente lokalidat riba sospecho di violashon di lei i regulashon pa loke ta trata residensia i trabou di estranheronan.
Pa medio di e kontròl multidisiplinario a chek si esnan presente na e lokalidatnan aki ta den poseshon di e dokumentonan obligatorio i a hasi kontròl riba otro lei- i regulashon di e diferente partnernan di kadena.
Durante e kòntròlnan no a konstatá violashon dirèkt. A haña indikashon ku ainda mester bai investigá. E partnernan di kadena ta bai hasi mas investigashon di e asuntu aki a base di e resultadonan.
E siguiente partnernan a forma parti di e kòntròlnan aki: Inspekshon di Labor, Kuerpo Polisial Hulanda Karibense, Koninklijke Marechaussee, Servisio di Imigrashon i Naturalisashon CN, Direktorado di Supervishon i Mantenshon di entidat públiko Boneiru i Ministerio Públiko BES den kolaborashon ku ‘Regionaal Informatie - en Expertise Centrum Caribisch Nederland’ (RIEC CN).
E relashon di kolaborashon RIEC CN ta hunga un ròl krusial den enfoke di ‘ondermijning’ na Boneiru, Sint Eustatius i Saba. E ta un kolaborashon kaminda tur e partnernan ku ta partisipá tin un ròl prinsipal, dor di invertí den kolaborashon i kompartí informashon entre diferente instansia. Dor di e kolaborashon ta amplia e efektividat di kontròl i intervenshonnan, ku meta pa garantisá seguridat i integridat riba e islanan.
*Pa krímen di ‘ondermijning’ kriminalnan ta hasi uzo di negoshi i servisionan (gubernamental) legal pa aktividatnan ilegal. Dor di esaki norma i balor i e sentido di seguridat i abitabilidat ta disminuí. E efekto aki yama tambe ondermijning.