Reanudashon servisionan di IND na Sint Eustatius
E ofisina di IND na Sint Eustatius entretantu ta den operashon bèk. Pa sostené e servisionan kompletamente, lo bini personal adishonal for di Boneiru entrante 30 di yanüari. Asina IND por yuda e habitantenan mas rápido i efisiente.
Servisio di Imigrashon i Naturalisashon CN na Sint Eustatius a anunsiá na inisio di dezèmber 2024 ku entrante 17 di dezèmber lo duna servisio limitá. Esaki tabata un medida planiá pa motibunan operashonal.
Despues di fakansi di Pasku un situashon imprevisto a presentá pa motibu di salú di un empleado. Pa e motibu aki no por a kontinuá ku e sitanan. IND na Sint Eustatius ta traha solamente ku sita. Nos lo tuma kontakto ku personanan ku a posponé nan sita den dezèmber i yanüari pa traha sita nobo.
Bo tin pregunta òf petishon urgente? Tuma kontakto ku nos via di telefòn òf meil. Nos ta komprondé ku e situashon tabata fèrfelu i nos ta apresiá bo komprenshon. IND ta sigui komprometé su mes pa garantisá ku e servisionan na Sint Eustatius ta kana sin problema.
IND ta tene habitantenan na altura via di media sosial, wèpsait i media lokal.