Hopi interes pa beka di promoshon karibense: 126 kandidato ta sigui pa e siguiente rònt
Ku interes, a risibí e programa di beka di promoshon di e programa NWO Investigashon Karibense: te ku 24 di yüni 2025, 126 interesado a entregá un karta di intenshon. Asina, e programa ta demostrá kla ku e ta proveé den un nesesidat bou di investigadónan karibense ku ke doktorá. Tur registrashon ta bini di terenonan sientífiko di siensianan eksakto i siensianan tékniko, pa siensianan di kuido, sosial, mental i médiko.
E siguiente paso: elaborashon di e promé registrashon
Entretantu, tur petishonario a risibí un aviso ku nan por elaborá nan karta di intenshon i hasié un promé registrashon. For di 15 di yüli, e formularionan nesesario pa esei ta disponibel via e wèpsait di NWO. Awor, e kandidatonan tin dos luna di tempu pa redaktá un CV narativo, forma un tim di guia adekuá, i optené un deklarashon di inkorporashon firmá di e universidat aspirá. E fecha di klousura pa entrega di e promé registrashon ta 15 di sèptèmber 2025.
Sosten for di NWO
Pa duna e petishonarionan bon guia, NWO a manda un bista general pa tur kandidato ku ta kontené puntonan di atenshon pa nan por entregá nan promé registrashon. Si tin pregunta, e kandidatonan por akudí na e tim di sosten di NWO via phd-caribbean@nwo.nl.
Selekshon i kontinuashon
Despues di 15 di sèptèmber, NWO ta kontrolá si e promé registrashon ta kumpli ku tur e kondishonnan. Despues, un komishon di evaluashon independiente lo saka un konseho positivo òf negativo pa kada kandidato tokante e posibilidat di sigui pa e último fase: entrega di un petishon kompleto. Na tur tin shete beka disponibel. Pa evitá preshon di trabou innesesario, NWO ta hasi esfuerso pa permití 21 kandidato pa e delaster rònt.
Mas informashon
Pa informashon ekstenso tokante prosedura di evaluashon, kriterio di selekshon i linia di tempu, por fabor konsultá e ‘Call for proposals’.